Загасны дэлгэрэнгүй мэдээлэл
Жиргэх

Зүйлийн нэр: Хорхой загас, могор, дугариг амтан

Англи нэр: Eastern brook lamprey

Хүрээ: Хөвчтөн

Анги: Эрүүгүйтэн загас

Баг: Дугариг амтан

Овог: Хорхой загасныхан

Төрөл: Хорхой загас

Ерөнхий шинж:

Бие уртавтар, хорхой хэлбэртэй, хайрсгүй. Нүдний хойно хоёр хажуугаараа заламгайн 7 сүвтэй. Хамрын ганц сүв нүдний өмнө оршино. Хос сэлүүрүүд байхгүй. Нуруундаа хоёр сэлүүртэй, сүүлэндээ далбантай. Эрүүгүй. Доод эрүүний ялтсанд 6-7 шүдтэй. Дээд эрүүний ялтсанд хоёр эгнээ шүдтэй. Ам дугариг, бумбадан сорох зохилдлоготой.

Биологийн онцлог:

Монгол оронд тархан амьдрах хорхой загасны биеийн урт 20 см хүрнэ. Атуух (эр) нь атуугаасаа (эм) арай жижиг. 3 насандаа бэлгэ боловсорч үржилд орно. 5 сарын сүүлч 6 сарын эхээр голын ширүүн урсгалтай хэсэгт хайрга-элсэрхэг, чулуутай хэсэгт түрсээ шахна. Хорхой загас 5-9 мянган түрс гаргана. Түрсний диаметр (голч) 0.46 мм. Органик ялзмаг, замгаар холлоно.

Амьдрах орчин:

Голын тогтуун урсгалтай, хайрга чулуу, элсэрхэг ёроолтой хэсэг мөн эргийн ургамалтай хэсэгт тархан амьдарна.

Хамгаалалтын статус:

Бүс нутагт үнэлэх боломжгүй.

Тархац:

Номхон далайн ай савын Онон, Балжийн голд тархан амьдарна.

Агнах, барихыг хориглох хугацаа:

Жил бүрийн 4-р сарын 1 өдрөөс 6-р сарын 14 өдөр хүртэл ахуйн болон тусгай зориулалтаар агнах, барихыг хориглоно.